Жаңалықтар тізбегі
0

Нұрлан Мәсімовке тағы екі іс бойынша айып тағылды

Павлодар облысы, сот, сыбайлас жемқорлық Сурет: видеодан скриншот
Сыбайлас жемқорлық қылмыстары үшін айыпталған Павлодар облысы полиция департаментінің бұрынғы басшысы Нұрлан Мәсімовке әкімшілік кодек баптарымен тағы екі айып тағылды. Бірақ сот істерді қарауды тоқтатты, деп хабарлайды Zakon.kz тілшісі.

Павлодар қаласының мамандандырылған әкімшілік сотында Нұрлан Мәсімовке қатысты материалдар қаралып жатыр. Павлодар облысы полиция департаментінің экс-басшысы қазір атышулы сыбайлас жемқорлық ісі бойынша сот үкімін күтіп тергеу изоляторында жатыр. Ол сондай-ақ Әкімшілік құқық бұзушылық туралы кодекстің 234-1-бабы бойынша түскен екі іс бойынша өтетін әкімшілік сот отырысына қатысады. Ол бапта лауазымды адамдарға бір жүз айлық есептік көрсеткіш мөлшерiнде айыппұл салу жазасы қарастырылған.

Сот базасының құжаттарында көрсетілгендей, Мәсімовтің полиция басшысы болып тұрған кезінде жасаған құқық бұзушылықтары туралы хаттаманы облыстық тексеру комиссиясының маманы толтырған. Бұл екі істі сот бір іске біріктірді. Қаңтардың 16-сы күні Нұрлан Мәсімовтің өкілдері қазір тексеру комиссиясы қызметкерінің әрекетіне шағымданып жатқанын хабарлады. Сол себепті сот бұл істі одан әрі қарауды кейінге қалдырды. Іс қашан қайта қарала бастайныны белгісіз. Айыпкер бұл әкімшілік құқық бұзушылықты мойындамайтынын айтты.

Нұрлан Мәсімовтің үстінен іс қозғалғаны сәуірде белгілі болып, Павлодар облысы полиция департаментінің бұрынғы бастығы генерал-майорға іздеу жарияланды. 13 шілдеде Нұрлан Мәсімов Шығыс Қазақстан облысының аумағында жалған құжат арқылы Ресеймен мемлекеттік шекараны кесіп өтпек болған жерінде ұсталды.

22 желтоқсанда Павлодар облысының прокуратурасы Нұрлан Мәсімовке қатысты істі қылмыстық істер жөніндегі мамандандырылған сотқа берді.


Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: