Нұрлан Мәсімовке іздеу жарияланды. «Антикор» 12 млн теңге сыйақы уәде етті

Павлодар облысы Полиция департаментінің бұрынғы басшысы аса ауыр сыбайлас жемқорлық қылмыс жасады деген күдікке ілініп, іздестіріліп жатыр, деп хабарлайды Zakon.kz.

Іздестіріліп жатқан адамның орналасқан жері туралы ақпарат бергені үшін 4 000 айлық есептік көрсеткішке (АЕК) дейін сыйақы көзделген, делінген ресми хабарламада.

Айта кетелік, іздеу жарияланған күдікті ҚР ҰҚК-нің экс-басшысы Кәрім Мәсімовтің туысы болып табылады. Ол 6 маусымға дейін қамауға алынған.

Нұрлан Мәсімов 1973 жылы 22 шілдеде Алматы облысы Ақсу ауданы Жансүгіров ауылында дүниеге келген.

Еңбек өтілі:

• Алматы облысы Қарасай аудандық ІІБ қылмыстық іздестіру бөлімінің жедел уәкілі (2000-2003);

• Алматы облысы Қарасай аудандық ІІБ қылмыстық іздестіру бөлімінің аға жедел уәкілі (2003-2004);

• Алматы облысы ІІББ ұйымдасқан қылмысқа қарсы күрес басқармасының аса қауіпті қылмыстарға қарсы күрес жөніндегі аға жедел уәкілі, Экстремизм және терроризммен күрес жөніндегі басқарманың аға жедел уәкілі (2004-2005);

• Алматы облысы ІІД Алакөл аудандық ІІБ бастығының жедел жұмыс жөніндегі орынбасары (2005-2008);

• Алматы облысы ІІД Алакөл аудандық ІІБ бастығы (2008-2010);

• Алматы облысы ІІД бастығының бірінші орынбасары (2010-2018);

• Алматы қаласы ПД бастығының бірінші орынбасары (2018-2019);

• ҚР ІІМ жетінші департаментінің бастығы (05.2019-11.2019);

• Павлодар облысы полиция департаментінің бастығы (11.2019-17.01.2022).