Тоқаев: Amazon, Google, Mastercard және Citigroup сияқты компанияларды тартуға болады

Сурет: pexels

Қазақстан президенті Цифрлық инфрақұрылымды жүйелі түрде дамытуға Amazon, Google, Mastercard және Citigroup сияқты әлемге танымал компанияларды тартуға болатынын айтты, деп хабарлайды Zakon.kz.

"Озық IT-инфрақұрылым цифрлық индустриядағы келешек прогреске, атап айтқанда жасанды интеллектінің дамуына негіз қалайды. Сондықтан инфрақұрылымды дамытқан кезде IT-өнім әзірлеушілердің қажеттілігі әрдайым алдын ала ескерілуге тиіс. Ең әуелі, біз есептеуіш орталықтардың қуатын арттыруымыз қажет. Үкіметке екі жыл ішінде жасанды интеллектіге маманданған дата-орталықтардың құрылысын жүргізуді тапсырамын", - деді мемлекет басшысы.

Бұл іске Amazon, Google, Mastercard және Citigroup сияқты әлемге танымал компанияларды тартуға болады деп қосты президент.

"Жақында Нью-Йорк қаласына жасаған сапарымда аталған компаниялардың басшыларымен кездестім. Тиісті уағдаластықтарға қол жеткіздік. Сонымен қатар жасанды интеллектіге арналған деректер экожүйесін дамыту маңызды. Шын мәнінде, жасанды интеллектінің "қорегі", қозғаушы күші – үлкен деректер қоры. Қазақстанда осы салада түрлі шешімдер жүзеге асырылды".Қасым-Жомарт Тоқаев

Оқи отырыңыз