Энергетика министрі мұнай бағасының өсуі ел экономикасына қалай әсер ететінін айтты

Барреліне 96 доллар – иә, бүгін осындай жаңалық болды. Не дей аламын, мұнай бағасының жоғары болуы бұл – негізінен, бірінші кезекте бюджетке және Қазақстан Республикасының Ұлттық қорына түсетін жоғары түсімдер.ҚР Энергетика министрі Болат Ақшолақов

Ол сонымен қатар ведомство биылғы жылға мұнай өндіруді 87,5 млн тонна деңгейінде жоспарлағанын, оның 17,9-ы ішкі өңдеу екенін еске салды.

Қанша мұнай экспортталатынын елестете аласыз ба? Ал, мұнай бағасы жоғары болса, кірістер де жоғары болады – бірінші кезекте валюталық түсім, салық түсімдері өсіп жатыр, мұнда тұрған ештеңе жоқ.ҚР Энергетика министрі Болат Ақшолақов

Энергетика министрлігінің басшысы бұл процестің кемшіліктерін де атап өтті.

Бір ғана кемшілігі, мұнайдың бағасы тым жоғары болса, бұл да сала үшін өте жақса емес, өйткені барлық ілеспе шығын материалдарының бағасы өседі: құбыр өнімдері, химиялық заттар. Яғни, тау-кен процесіне қатысты барлық нәрсенің. Бағалар да көтеріле бастайды және өкінішке қарай, кейін мұнай бағасы төмендегенде, бұл шығын материалдарының бағасы бірдей динамикамен төмендемейді. Мұнай өндіретін кәсіпорындардың экономикасы қазірдің өзінде осыдан зардап шегіп отыр. Сондықтан, менің ойымша, қолайлы дәліздің шегі, айталық, 80 доллар (барреліне. – ред.) Жоғарырақ, әрине, жақсы. Біз әлемдік мұнай нарығындағы жағдайдың қалай дамитынын қадағалайтын боламыз.Болат Ақшолақов

Brent маркалы мұнай бағасы 2014 жылдың қазан айынан бері алғаш рет барреліне 96 доллардан асқанын жазған едік.

Оқи отырыңыз

Елімізде балаларға арналған 50 оқу-сауықтыру және 100 ірі ойын-сауық орталығы салынбақ

21:29, 27 наурыз 2023

Әлихан Смайылов жеңілдетілген несиелендіру бағдарламасының барысына тоқталды

13:15, 27 наурыз 2023

Енді трамадол есірткі деп есептеледі - үкімет

11:07, 27 наурыз 2023