Жастар практикасы алты айдан бір жылға дейін ұзартылды – Еңбекмин

ҚР Еңбек және халықты әлеуметтік қорғау министрлігі, Жастар практикасы, әлеуметтік бағдарламалар, сурет - Zakon.kz жаңалық 02.03.2022 16:23

Сурет: ҚР премьер-министрдің баспасөз қызметі

ҚР Еңбек және халықты әлеуметтік қорғау министрлігінің 2021 жылғы жұмыс қорытындылары мен 2022 жылға арналған жоспарлар бойынша кеңейтілген алқа отырысы барысында ведомство басшысы Серік Шәпкенов Жастар практикасы мерзімінің ұзартылғанын мәлімдеді, деп хабарлайды Zakon.kz.

Ағымдағы жылдың қаңтар айында парламент мәжілісінің отырысында мемлекет басшысы жұмыспен қамту және халықтың табысын арттыру мәселелеріне ерекше назар аударып, нақты тапсырмалар берді. Олардың кейбіреулері толығымен орындалды.ҚР Еңбек және халықты әлеуметтік қорғау министрі Серік Шәпкенов

Ведомство басшысы атқарылған істерге тоқталып өтті. Оның айтуынша, президенттің тапсырмаларын іске асыру мақсатында жастарды жұмыспен қамту бөлігінде «Жастар практикасы» және «Алғашқы жұмыс орны» жобалары бойынша өту мерзімі мен жалақы мөлшері ұлғайтылды.

Жастар практикасы 6 айдан 12 айға дейін ұзартылды, еңбекақы төлеу 30 АЕК-ке дейін ұлғайтылды (қазіргі уақытта – 25 АЕК). «Алғашқы жұмыс орны» жобасына қатысу мерзімі жалақыны 30 АЕК-ке дейін өсіре отырып (қазіргі уақытта – 20 АЕК), 12 айдан 18 айға дейін ұзартылды.

Сондай-ақ ол жастардың іскерлік бастамаларын дамытуға арналған грант көлемі екі есеге артқанын хабарлады (200 АЕК-тен 400 АЕК-ке дейін немесе 612,6 мыңнан 1,2 млн теңгеге дейін).

Ағымдағы жылдың 21 қаңтарында мемлекет басшысы ірі отандық бизнес өкілдерімен кездесуде шетелдік жұмыс күшін тартуға квотаны қысқарту бойынша тапсырма берді. Тапсырма орындалды, біз тиісті бұйрықты қабылдадық. Квота 28 352 бірліктен 23 560 бірлікке дейін қысқартылды. Бұл шара ішкі еңбек нарығын қорғауға, сондай-ақ қазақстандық азаматтарды жұмысқа орналастыруға әкеледі.Серік Шәпкенов

Оқи отырыңыз