Мариупольде 18 қазақстандық қалды – ҚР СІМ

Бүгінгі таңда қазақстандық дипломаттар Қазақстан Республикасының 822 азаматына Украинадан шығуға көмек көрсетті. Оның ішінде 726 адам Польшаға, қалғаны Молдова, Румыния, Венгрия және Словакияға аттанды.

15 наурызда Катовицеден 89 Қазақстан азаматы бар бесінші эвакуациялық ұшақ келіп қонды.

Қазіргі уақытта Катовицеде және Украина – Польша шекарасынан өтуге кезекте тұрған Қазақстан азаматтары жоқ. Харьковтағы эвакуациялау пунктінде үш жерлесіміз бар. Сумы қаласында бір қазақстандық бар, онымен тұрақты байланыс орнатылған. Қазақстан Республикасы Сыртқы істер министрлігі

Қазақстан Республикасының Украинадағы елшілігінің мәліметінше, Мариупольдегі қазақстандықтардың жалпы саны – 18 адам.

Электр қуатының және телефон байланысының үзілуіне байланысты олармен байланыс орнату мүмкін емес. Қазақстан Республикасы Сыртқы істер министрлігі

Қазақстандық 57 жүк көлігінің Қазақстан Республикасы дипломаттарының көмегімен 51-і Украина аумағынан шығып кетті, ал қалған алты көлік жүргізушілеріне барынша қажетті көмек көрсетіліп жатыр.

Еске салсақ, бұған дейін 587 қазақстандық төрт репатриациялық рейспен Қазақстанға жеткізілген болатын.

Оқи отырыңыз

Елімізде балаларға арналған 50 оқу-сауықтыру және 100 ірі ойын-сауық орталығы салынбақ

21:29, 27 наурыз 2023

Әлихан Смайылов жеңілдетілген несиелендіру бағдарламасының барысына тоқталды

13:15, 27 наурыз 2023

Енді трамадол есірткі деп есептеледі - үкімет

11:07, 27 наурыз 2023