ҚР СІМ: Біздің елшілік Львовта жұмысын жалғастырып жатыр

Қазақстанның Сыртқы істер министрлігі Украинадағы Қазақстан Республикасының елшілігі Киевке оралды деген ақпаратты жоққа шығарды, деп хабарлайды Zakon.kz.

Бұл ақпарат Telegram арналарының бірінде пайда болды.

Қазақстанның Украинадағы елшілігі Киевке оралды. Қазақстанның дипломатиялық өкілдігі дәл сол жерде орналасқан: Ильенко көшесі, 26, – делінген хабарламада.

Наурызда Украинадағы жағдайға байланысты Қазақстанның дипломатиялық өкілдігі Киевтен Львовқа уақытша көшірілді.

Zakon.kz редакциясы түсініктеме алу үшін Сыртқы істер министрлігіне хабарласты.

Біздің елшілік Львовта жұмысын жалғастырып жатыр. Елшілік ғимаратын күзетіп, оған күтім жасауды қамтамасыз ету үшін қызметкерлердің бірі Киевке жіберілді. Қазақстан Республикасы Сыртқы істер министрлігінің баспасөз қызметі