Жаңалықтар тізбегі
0

Өңірлер бойынша ең жоғары баға өсімі Қарағанды облысында тіркелді

ҚР премьер-министрі, үкімет отырысы, әлеуметтік маңызы бар тауарлар Сурет: primeminister.kz
Үкіметтің цифрлық кеңсесінде ҚР премьер-министрі Әлихан Смайылов әлеуметтік маңызы бар азық-түлік тауарларының (ӘМАТ) бағасын ұстап тұру мәселелері жөнінде кеңес өткізді. Республика бойынша ӘМАТ қоры шамамен 744 мың тонна, деп хабарлайды Zakon.kz.

Өңірлер бойынша ең жоғары баға өсімі Қарағанды облысында 0,4%, тағы 11 өңірде – Нұр-Сұлтан және Шымкент қалаларында, Маңғыстау, Ақтөбе, Ақмола, Қостанай, Қызылорда, Батыс Қазақстан, Солтүстік Қазақстан, Алматы және Түркістан облыстарында 0,3% тіркелді, деп жазды үкіметтің ақпараттық ресурсы.

Үкімет басының қатысуымен өткен жиында ҚР Сауда және интеграция министрлігінің Сауда комитетінің төрағасы Ержан Қазанбаев «айналым схемасы» құралының мониторингі бекітілген қаржыландыру жоспарының толық қамтылмағанын көрсететінін айтты.

Салалық ведомство бөлшек сауда объектілерінің рұқсат етілген сауда үстемесін сақтауы бойынша жергілікті атқарушы органдардың жұмысын үйлестіруді жалғастырып жатқанын мәлімдеді.

Өткен аптада рейдтік іс-шаралардың нәтижесінде үй маңындағы 33,6 мың дүкен немесе сауда объектілерінің 78,9%-ы қамтылды, 424 бұзушылық анықталды. Соның нәтижесінде сауда үстемелері 15%-ға төмендеді.

Ауыл шаруашылығы министрлігінің деректеріне сәйкес, республика бойынша ӘМАТ қоры шамамен 744 мың тоннаны құрайды, оның ішінде «айналым схемасы» аясындағы қорлар – 108 мың тонна, тұрақтандыру қорларында – 25,6 мың тонна және 52,9 мың тоннаға форвардтық келісімшарттар жасалды.

Ауыл шаруашылығы министрлігіне әкімдіктермен бірге өңірлер арасында ауыл шаруашылығы өнімдерінің қажеттіліктерін ескере отырып, оларды жедел тәртіппен жеткізіп отыру үшін өндіріс пен тұтыну теңгерімін тұрақты негізде өзектендіру тапсырылды.

Бүгінгі таңда оңтүстік өңірлерде көкөністердің кейбір түрлері пісіп жатыр. Бағасы өсіп жатқан көкөністерді жеткізуге келісімшарт жасау қажет. Сонымен қатар күзде тұрақтандыру қорларында салыстырмалы түрде төмен бағамен қажетті азық-түлік көлемі болуы үшін форвардтық сатып алу бойынша қаржыландыруды арттыру қажет. Бұл жұмысты бүгіннен бастап жүргізген жөн.ҚР премьер-министрі Әлихан Смайылов

Сонымен қатар премьер-министр Сауда және интеграция министрлігіне облыс әкімдіктерімен бірлесіп, сауда үстемесін, әсіресе, оны көтерме сауда орындарында бақылауға ерекше назар аударуды, сондай-ақ «айналым схемасын» қаржыландыруды 100% нысаналы деңгейге дейін жеткізуді тапсырды.

Инфляция мәселелері халықтың әлеуметтік көңіл-күйіне әсер етеді, ол күнделікті бақылауда болуы тиіс. Әкімдердің осы бағытқа жетекшілік ететін орынбасарлары жағдайды бақылап, тиісті шаралар қабылдауы қажет. Әлихан Смайылов

Үкімет басшысы бұған қажетті құралдар бар екенін атап өтті.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: