ҚР ИИДМ вице-министрі Руслан Баймишев қызметінен босатылды

ҚР Үкіметінің қаулысымен Руслан Нұрашұлы Баймишев ҚР индустрия және инфрақұрылымдық даму вице-министрі қызметінен босатылды, деп хабарлайды Zakon.kz.

Руслан Баймишев 1980 жылы Алматы қаласында дүниеге келген.

«Фемида» заң академиясын, Қ.И. Сәтпаев атындағы Қазақ ұлттық техникалық университетін тәмамдаған. 

2008-2016 жылдары ҚР Индустрия және жаңа технологиялар министрлігі Геология және жер қойнауын пайдалану комитетінің «Қазгеоинформ» республикалық геологиялық ақпарат орталығында түрлі қызметтерді атқарды. 

2016-2019 жылдары – ҚР Инвестициялар және даму министрлігі Жер қойнауын пайдалану департаменті директорының м.а., директоры.

2019 жылғы желтоқсаннан қазіргі кезге дейін ҚР индустрия және инфрақұрылымдық даму вице-министрі болды.