Алматы мен Жетісу облыстарының шекараларын белгілеу туралы қаулыға қол қойылды

Алматы облысының шекарасын өзгерту және Жетісу облысының шекарасын белгілеу туралы ҚР Үкімет басшысының қаулысы жарияланды, деп хабарлайды Zakon.kz.

Қазақстан Республикасы Үкіметінің 2022 жылғы 23 қыркүйектегі № 735 қаулысындағы қосымшаға сәйкес, Алматы облысының шекарасы оның аумағынан Жетісу облысының жалпы ауданы 11848,3 мың гектар жерін шығару жолымен өзгертіледі.

Қаулыдағы 2-қосымшаға сәйкес, Жетісу облысының шекарасы белгіленетін болады.

Сондай-ақ Алматы және Жетісу облыстарының әкімдіктеріне осы қаулыдан туындайтын шараларды қабылдау бұйырылған.

Қаулы алғашқы ресми жарияланған күннен бастап қолданысқа енгізіледі.