Смайылов "Самұрық-Қазына" активтерін сату жоспары туралы кеңес өткізді

ҚР Премьер-министрі Әлихан Смайылов Экономиканы жаңғырту мәселелері жөніндегі мемлекеттік комиссияның кезекті отырысын өткізді, деп хабарлайды Zakon.kz.

Үкіметтің баспасөз қызметінің хабарлауынша, қатысушылар Жекешелендірудің 2021-2025 жылдарға арналған кешенді жоспарына өзгерістер енгізу, оның ішінде жоспардан бірнеше коммуналдық меншік кәсіпорындарын алып тастау мәселелерін талқылады. 

Сонымен қатар Алматы облысында әлеуметтік маңызы бар объектілерді салу және "Самұрық-Қазына" АҚ активтерін сату жоспарлары қаралды.

Қаралған барлық мәселе бойынша Премьер-министр мемлекеттік органдарға тиісті тапсырмалар берді.