Смайылов ЖЖМ-ны босатуды есепке алу үшін бекеттерді цифрлық жүйемен қамтуды тапсырды

Жанар-жағармай материалдарымен қамтамасыз ету жөніндегі кеңес, сурет - Zakon.kz жаңалық 07.01.2023 14:00 Сурет: primeminister.kz
ҚР Премьер-министрі Әлихан Смайылов 2023 жылы ішкі нарықты жанар-жағармай материалдарымен қамтамасыз ету мәселелері жөнінде кеңес өткізді, деп хабарлайды Zakon.kz.

Энергетика министрі Болат Ақшолақов пен "ҚазМұнайГаз" ҰК"» АҚ басқарма төрағасы Мағзұм Мырзағалиев әртүрлі отын түрлерінің қорлары, өндіріс жоспарлары және жанар-жағармай материалдары нарығындағы ахуал жайлы баяндады.

Кеңеске қатысушылар ішкі нарықты дизель отынымен, атап айтқанда жанармай бекеті желілерін, ауыл шаруашылығы тауарын өндірушілерді, өнеркәсіп және көлік кәсіпорындарын дизель отынымен қамтамасыз ету, баға белгілеу, импорт, Шымкент МӨЗ-інің қуатын ұлғайту және басқа да бірқатар мәселені талқылады.

Премьер-министр отынның Қазақстаннан тыс жерлерге көп мөлшерде "шығарылуын" азайту үшін ішкі нарықта жанар-жағармай материалдарын сатуға мониторинг пен бақылауды күшейту қажеттігін атап өтті. Осыған байланысты Үкімет басшысы жанар-жағармай материалдарын өткізуді есепке алу үшін станцияларды арнайы цифрлық жүйемен толық қамтуды ұйымдастыруды тапсырды.

Кеңес қорытындысы бойынша Премьер-министр бірқатар нақты тапсырма берді.

Мақаламен бөлісу
Мақаламен бөлісу:
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Беттегі қате туралы хабарлаңыз
Мәтіндегі қате: