Ішкі істер министрі АҚШ елшісімен кездесті

Қазақстанның Ішкі істер министрі Марат Ахметжанов АҚШ-тың Қазақстандағы Төтенше және Өкілетті елшісі Дэниел Розенблюммен кездесті, деп хабарлайды Zakon.kz.

Кездесуге қатысушылар киберқылмыспен күрес, сонымен бірге құқықтық тәртіпті қамтамасыз етудің озық тәжірибелерін зерделеуге қатысты екіжақты ынтымақтастықтың басты мәселелерін талқылады.

Бұдан басқа, тараптар өзекті бағыттар бойынша бірлескен өзара іс-қимылды дамытудың одан әрі перспективаларын нақтылады. Кездесу өзара түсіністік пен сындарлы диалог жағдайында өтті.