Қазақстанда инвестициялық омбудсмен институты күшейтіледі

ҚР ИИДМ Инвестициялық омбудсмен қызметі туралы ережеге өзгерту әзірледі, деп хабарлайды Zakon.kz.

Атап айтқанда, инвестициялық омбудсменнің орынбасары пайда болды. Ол – Инвестиция жөніндегі уәкілетті органның бірінші басшысы немесе оның міндетін атқарушы тұлға.

Инвестициялық омбудсмен – Қазақстан Республикасының Үкіметі тағайындайтын (айқындайтын), инвесторлардың құқықтары мен заңды мүдделерін қорғауға жәрдемдесу жөніндегі функциялар жүктелетін лауазымды адам.

Сондай-ақ құны 500 миллион теңгеден асатын инвестициялық жобалар бойынша мемлекеттік органдар сот талқылауына бастамашылық жасамас бұрын инвестициялық омбудсменнің орынбасарына инвесторға шағым (наразылық) және талап-арыз туралы хабарламалар жолдайтыны жөнінде толықтыру енгізілді.

Құжат 27 наурызға дейін талқылау үшін Ашық НҚА сайтында жарияланды.