Қазақстанда тыңайтқыштарды экспорттауға тыйым салынуы мүмкін

Сурет: pixabay

ҚР ИИДМ "Аммофос және аммоний нитраты әкетуді реттеудің кейбір мәселелері туралы" бұйрық әзірледі, деп хабарлайды Zakon.kz.

"Қазақстан Республикасының аумағынан аммоний нитраты мен аммофосты автомобиль көлігімен әкетуге алты ай мерзімге тыйым салу енгізілсін", – делінген құжатта.

Құжатқа берілген түсініктемеде тыйым 2023 жылғы 22 ақпандағы № 95 сыртқы сауда саясаты және Халықаралық экономикалық ұйымдарға қатысу мәселелері жөніндегі ведомствоаралық комиссия отырысының хаттамалық тапсырмасын орындау шеңберінде енгізілгені жазылған.

Аммоний нитраты – ауыл шаруашылығында тыңайтқыш ретінде қолданылатын селитра.

Аммофос – құнарлы түйіршікті еритін тыңайтқыш, ауыл шаруашылығында және басқа салаларда қолданылады.

Құжат 17 наурызға дейін талқылау үшін Ашық НҚА сайтында жарияланды.

Оқи отырыңыз