"Біз солдат сияқтымыз": Министрлер сайлаудан кейін үкіметте қалатын-қалмайтыны туралы айтты

Сурет: Zakon.kz

14 наурызда Қазақстан үкіметінің отырысында Цифрлық даму, инновациялар және аэроғарыш өнеркәсібі министрі Бағдат Мусин мен Ауыл шаруашылығы министрі Ербол Қарашүкеев сайлаудан кейін үкімет құрамын өзгертуге қатысты пікірін бөлісті, деп хабарлайды Zakon.kz.

Журналистер Ербол Қарашүкеевтен эмоциясын бөлісуді өтінді. Өйткені заң бойынша сайлаудан кейін қазіргі құрам отставкаға кетуге міндетті.

"Эмоция жоқ, жұмыс істеу керек. Бұл біздің құзырымыз емес. Ел басшылығы өз бетінше шешеді, үкіметтің әр мүшесін өзінше бағалайды".Ербол Қарашүкеев

Дәл осындай сауал Бағдат Мусинге де қойылды.

"Саяси қызметте жұмыс істейміз. Бізді президент тағайындайды, мәжіліс келіседі. Келесі үкіметті де президент тағайындайды. Біз солдат сияқтымыз. Тағайындаса, жұмыс істейміз. Тағайындамаса, өз ісімізбен айналысуды жалғастырамыз. Мен өзіме де, өзім басқаратын министрлікке де баға бере алмаймын".Бағдат Мусин

Қазақстанда мәжіліс пен мәслихаттар депутаттарын сайлау 19 наурызға белгіленген.

Оқи отырыңыз