Жаңалықтар тізбегі
0

Семейден ежелгі адамның сүйектері табылды

altaynews.kz, сурет - Zakon.kz жаңалық 04.09.2018 21:02 altaynews.kz
Өлкетанушылар тапқан олжаларын «Мұқыр аңшысы» деп атап отыр.

Семейде 24 мамырда өлкетану қоғамының мүшелері Мұқыр өзенінің алқабынан ежелгі адамның сүйектерін тапқан еді. Жуықта бұл орынмен Шығыс-Сарыарқа археологиялық экспедициясының басшысы, тарих ғылымдарының кандидаты, профессор Амантай Исин танысып қайтты, деп жазады Алтайньюс.

Ол бұл қазбаны құнды олжа деп тауып отыр. Келесі маусымда Семейдің археологтары ежелгі адам табылған орында қазба жұмыстарын жүргізбекші.

Адамның сүйектері көктемгі тасқынның салдарынан жер бетіне шығып қалған көрінеді. Сүйектерінің көлемі мен тістерінің түріне қарағанда егде жастағы адам болуы мүмкін екен. Өлкетанушылар тапқан олжаларын «Мұқыр аңшысы» деп атап отыр. Себебі, бірге аңшылық қару-жарақтардың қалдықтары, жылқының сүйектері мен ер-тұрман бұйымдары да табылған. Мұқыр аңшысы б.з.д. III және б.з. VII ғ. аралығында, яғни ерте түрік дәуірі немесе Орта ғасырдың ерте көшпенділер дәуірінде өмір сүрген деген алдын ала болжам бар.

Тағы бір қызығы, археологтардың айтуынша, бұл адам жерленбеген. Өзеннің жағасына қорған тұрғызу мүмкін емес, өйткені көктем сайын оны су шайып кететін еді деген қорытындыға келді зерттеушілер.

Сондай-ақ, көне замандарға тән жерлеу рәсімінің іздері байқалмайды. Өлкетанушылар ежелгі адам жазатайым оқиғада қаза тапқан деседі.

Нақтырақ айтқанда, көктемгі су тасқындары кезінде орын алуы да мүмкін. Бас сүйектің оң жақ бөлігіндегі жарақат оның құлап, жағадағы тастарға басын жарып алуы мүмкін деген болжам жасауға негіз болып отыр.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: