Жаңалықтар
Басқа бұқаралық ақпарат құралдарында
Загрузка...
Читайте также

Желідегі қауіпті сағыз туралы хабарламаларға қатысты полиция мәлімдеме жасады

Басты мақсаты – үрей мен қорқыныш туғызу және атқарушы органдардың пайда болған проблемаларға дер кезінде жауап бере алмады деп жалған айыптап, ел алдында беделін түсіру.

Сурет : novoetv.kz30 Желтоқсан 2019, 10:51

Қарағанды ​​облыстық полиция департаменті әлеуметтік желілер пен Ват-сап арқылы тарап жатқан құрамында есірткісі бар сағыз бен кәмпиттер туралы хабарламалардың өтірік екенін айтады, деп хабарлайды zakon.kz.

- Соңғы кездері әртүрлі әлеуметтік желілерде және WhatsApp арқылы елді дүрліктіретін хабарламалар тарауда. Көбіне онда бір адам ғана сөйлейді, аты-жөнін айтпайды, оның үстіне таратып отырған хабарламасының дәйек көзін атамайды. Жеткізіп отырған хабардың өзін нақты айтпайды. Болжамға сүйенеді. Мысалы, сондай дауыстық хабарламаның бірінде мектептерде құрамында есірткі заттары бар сағыз бен тәттілер толы пакет табылыпты дейді, деп хабарлайды облыстың ПД баспасөз қызметі.

Әртүрлі қып айтады. "Бір адамдар балаларға құрамында есірткісі бар сағыз бен кәмпит таратып жүр екен немесе мектептен осындай қауіпті пакет табылыпты, міне балаларға таратып жатыр, жемеңіздер деп балаларыңызға қоңырау шалыңыздар. Көп бала оны жеп үлгеріпті" деген сипатта болып келеді бұл хабарлама.

- Бұл хабарламалар әртүрлі болып келеді, бірақ жалпы алғанда олар белгілі бір әлеуметтік топқа (студенттердің ата-аналары мен оқу орындарының оқытушыларына) бағытталған, онда да басты мақсаты – үрей мен қорқыныш туғызу және атқарушы органдардың пайда болған проблемаларға дер кезінде жауап бере алмады деп жалған айыптап, ел алдында беделін түсіру. Мысалы, осы жылдың желтоқсан айында WhatsApp мессенджері арқылы Қарағанды ​​облысындағы мектептердің бірінде құрамында синтетикалық есірткі бар кәмпиттердің бір партиясы тәркіленгенді және 25 жасөспірім наркология орталығында жатыр деген мәтіндік хабарлама тарады, - дейді полициядағылар.

Полиция департаменті Қарағанды ​​облысының білім басқармасымен бірге тексеру жұмыстарын жүргізіп, барлық дауыстық, мәтіндік хабарламалардағы дәйектерге негіз таппады.

- Оқу орындарында құрамында есірткісі бар сағыз мен тәттілерді тарату фактілері анықталған жоқ. Сонымен қатар, 25 жасөспірімнің Қарағанды ​ облыстық наркологиялық клиникасына жатыр деген факті де расталмады. Осыған байланысты, полиция департаменті мұндай ақпарат тараған кезде негізсіз дүрбелеңге жол бермеу керектігін ескертеді, әрі мұндай күмәнді мәліметтерді таратпауға кеңес береді, - дейді полициядағылар.

Негізсіз ақпаратты тарату ҚР Қылмыстық кодексінің 274-бабы бойынша көрінеу жалған ақпарат таратқаны үшін құқық бұзушылық белгілері ретінде есепке алынып, оған жаза қарастырылатынын баса айта кетелік. Мұндай қылмыс түріне оның дәрежесіне қарай айыппұл салынады немесе бір жылдан он жылға дейінгі мерзімге бас бостандығынан айыру жазасы қарастырылады.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Загрузка...
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер