Алматыда әлеуметтік қызметтер көрсететін бірыңғай орталық құрылады

27 Қаңтар 2021, 14:58
Сурет: instagram.com

Алматы әкімі Бақытжан Сағынтаев Достық даңғылының бойында орналасқан ғимараттың жөндеу жұмыстарымен танысты. Мұнда әлеуметтік қызметтер үйі ашылады, деп хабарлайды zakon.kz.

Бұл туралы қала әкімі Бақытжан Сағынтаев Instagram парақшасында жазды.

Енді қала тұрғындары "бір терезе" қағидаты бойынша 42 мемлекеттік және 7 мемлекеттік емес қызмет түрін ала алады.

Әлеуметтік қызметтер үйінің бірінші қабатында әлеуметтік қамсыздандыру, тұрғын үй саясаты басқармасы, халықты жұмыспен қамту орталығы, Азаматтарға арналған мемлекеттік корпорация, көші-қон полициясы, БЖЗҚ, мемлекеттік әлеуметтік сақтандыру қоры мен медициналық-әлеуметтік сараптама мамандарының қызметіне жүгіне алады. Жоғарғы қабаттарда бейінді басқармалар орналасады.

"Өзімізде өндірілген сапасы жоғары әрлеу материалы мен интерьер заттарын пайдалану қажеттігіне мән бердім. Осылайша Алматыда тұрғындардың әлеуметтік қызметтердің барлық спектріне қол жеткізе алатын жайлы бірыңғай орталық құрылады", - деп жазды Сағынтаев желіде.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?