Сенатта ЕАЭО темекі акциздері туралы келісімін ратификациялау мақұлданды

ҚР Ұлттық экономика министрлігі ҚР Ұлттық экономика министрлігі
Жоба темекі өнімдеріне арналған акциз мөлшерлемелерінің ұлғаюы есебінен бюджетке қосымша түсімді қамтамасыз етеді.

ҚР Парламенті Сенатының депутаттары "Еуразиялық экономикалық одаққа мүше мемлекеттердің темекі өнімдеріне акциздер саласындағы салық саясатын жүргізу қағидаттары туралы келісімді ратификациялау туралы" заң жобасын мақұлдады, деп хабарлайды zakon.kz ҚР Ұлттық экономика министрлігіне сілтеме жасап.

Келісім жобасында 2024 жылдан бастап индикативтік мөлшерлеме мен одан ауытқу диапазондарын қолдану; ЕЭК Кеңесіне акциздердің индикативтік мөлшерлемелерін бекіту және негізделген экономикалық орындылығы болған жағдайда оларды өзгерту бойынша өкілеттіктер беру көзделеді, - деді Сенаттың отырысында ҚР Ұлттық экономика министрі Әсет Ерғалиев.

Бұл ретте акциздер мөлшерлемелерін жақындастыру 2024 жылдан бастап жүзеге асырылатын болады. Әрбір бес жыл сайын бірыңғай индикативтік мөлшерлеме және одан ауытқу диапазоны белгіленеді.

Ұлттық экономика министрі хабарлағандай, 2024 жылы сигареттерге қатысты индикативтк мөлшерлеме 1000 дана үшін 35 еуроға баламалы мөлшерде ұлттық валютада белгіленген. Сигареттерге арналған акциздердің нақты мөлшерлемелері 2024 жылы индикативтік мөлшерлемеден 20 проценттен аспай, аз жағына және көбірек жағына ауытқуы мүмкін.

Заң жобасы темекі өнімдеріне арналған акциз мөлшерлемелерінің ұлғаюы есебінен бюджетке қосымша түсімді қамтамасыз етеді. Келісім Еуразиялық экономикалық одаққа мүше мемлекеттердің аумағында темекі өнімдерінің акцизін салу саласында бірыңғай практика қолдануды қамтамасыз етуге мүмкіндік береді, - деді Әсет Ерғалиев.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз