Қытай өз вакцинасының тиімсіз екенін мойындады

dunyo.info dunyo.info
Батыс компаниялары әзірлеген Moderna және Pfizer-BioNTech вакцинасының тиімділігі 95 пайызды көрсеткен.

Қытайдың денсаулық сақтау саласындағы жоғары лауазымды тұлғалар коронавирусқа қарсы қытайлық вакцинаның тиімділігі төмен екенін мойындады. Үкімет екпенің тиімділігін арттыру жолдарын қарастырып жатыр, деп хабарлайды zakon.kz centralasian.org-ке сілтеме жасап.

Ауруды бақылау жөніндегі орталықтың директоры Гао Фу 10 сәуір күнгі баспасөз жиынында "қазір қолда бар вакцинаның тиімділігі жоғары емес, үкімет осы мәселені шешу жағын қарастырып жатыр" деп мәлімдеді.

Иммунизацияға өзге өндіріс линиясынан әртүрлі вакцинаны қолдануымыз қажет пе, жоқ па, осы мәселені ресми түрде қарастырып жатырмыз, деді Гао.

Қытай шенеуніктері қытайлық вакцинаның коронавирустан қорғау көрсеткіші төмен екенін алғаш рет жария түрде мойындап отыр. Олардың айтқандары конференциядан кейін жергілікті БАҚ-та баяу тарады және ол мәселе жайлы әлеуметтік желідегі жазбаларға шектеу қойыла бастады.

Қытай вакцинаның миллиондаған дозасын тасымалдау жөнінде Мексика, Түркия, Индонезия, Венгрия, Сербия, Бразилия және Чилимен келісімге келген. Ресми мәлімет бойынша, Қытайда 35 млн адамға вакцинаның екі дозасы салынған. 65 млн адам кемінде біреуін алған.

Бразилиялық зерттеу Sinovac вакцинасының ауру белгілерін жою көрсеткіші бойынша тиімділігі 50,4 пайыз екенін көрсеткен. Дүниежүзілік денсаулық сақтау ұйымы вакцинаны пайдалану үшін оның тиімділігі кемінде 50 пайыз болуы тиіс деп мәлімдеген. Батыс компаниялары әзірлеген Moderna және Pfizer-BioNTech вакцинасының тиімділігі 95 пайызды көрсеткен.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз