Алматыда жұмыс істейтін жастарға қалай баспана алуға болады 

Алматы ӨКҚ Алматы ӨКҚ
Бағдарлама үлкен сұранысқа ие, сондықтан оны іске асыру 2022 жылы да жалғасатын болады.

15 қарашада "Жұмыс істейтін жастар үшін сатып алу құқығынсыз жалға берілетін тұрғын үй" бағдарламасы бойынша құжаттарды қабылдау басталды. Алматы қаласы Тұрғын үй саясаты басқармасы басшысының орынбасары Ермек Әміров бағдарламаға қатысу шарттары туралы Өңірлік коммуникациялар қызметі алаңында өткен брифинг барысында айтып берді, деп хабарлайды Zakon.kz.

Спикер атап өткендей, бағдарлама аясында тұрғын үй тек 5 жылға беріледі, оны 29 жасқа дейінгі жұмыс істейтін жастар ғана алады. Осы уақыт ішінде жеке тұрғын үй сатып алуға немесе бастапқы жарнаға жинақтау ұсынылады. Тұрғын үй үшін ай сайынғы жалдау ақысы 9-10 мың теңгені құрайды.

- Өтінімді балалары бар отбасылық жұптар та бере алады. Бұл ретте кемінде соңғы екі жылда Алматы қаласында тұрақты тіркеу талап етіледі. Сондай-ақ, үміткерлерде ҚР аумағында соңғы 2 жылда тұрғын үй болмауы тиіс. Олардың ай сайынғы жалақысы жұмыстың соңғы 6 айында 40 АЕК-тен жоғары болуы тиіс – 116 680 теңге, - деді Е. Әміров бағдарламаның шарттары туралы.

Бұл ретте бағдарламаға қатысатын үміткерлерге мамандықтар бойынша талаптар жоқ, бюджеттік және мемлекеттік қызметкерлерден басқалары да өтінім бере алады.

Ең алдымен, өтініш берушілер ЭЦҚ кілтін алуы қажет, қажетті анықтамаларды өтінім берген сәтте ұсыну керек. Құжаттар тізімін сайттан табуға болады https://almaty-jastary.info сол жерде өтінімдерді қабылдау жүзеге асырылады. Құжаттарды тапсырғандар арасында іріктеу балдық жүйе бойынша жүргізіледі. Қабылдау ағымдағы жылдың 20 қарашасында 23.59-да аяқталады. Бүкіл процесс автоматтандырылған және тек сайтта жүреді, сондықтан көмек ұсынатын бейтаныс адамдарға сенбеген жөн.

"Жұмыс істейтін жастар үшін сатып алу құқығынсыз жалға берілетін тұрғын үй" бағдарламасы ҚР Тұңғыш Президентінің бастамасымен 2019 жылы бекітіліп, сол кезде 1050 жас жалдамалы шаршы метрді алды. 2020 жылы тағы 350 адам қоныстанды, жыл соңына дейін әкімдік Наурызбай ауданының "Алма Сити-5" және Алатау ауданының "Мәдениет" жаңа тұрғын үй кешендерінде 1050 бір бөлмелі пәтерді жалға береді.

Сондай-ақ, брифинг барысында Тұрғын үй саясаты басқармасының өкілі "Алматы жастары" тұрғын үй бағдарламасын жүзеге асыру туралы еске салды. Бағдарламаның арқасында алғашқы немесе қайталама нарықта тиімді 5%-бен, 10 пайыздық бастапқы жарнамен пәтер сатып алуға болады. Несиенің максималды сомасы – 18 млн теңге. Несиелеу мерзімі – 6 айдан 25 жылға дейін.

Бағдарламаға 35 жасқа дейінгі жастар қатыса алады, олар: медицина қызметкерлері, мұғалімдер, ЖОО мен ҒЗИ оқытушылары мен ғылыми қызметкерлері, мәдениет және спорт саласының қызметкерлері, журналистер, жазушылар, Халықты әлеуметтік қорғау және құқық қорғау органдарының қызметкерлері. Өтінімді https://almaty-jastary.info сайтында беруге болады.

- Бұл бағдарламаға Алматы қаласының әкімі Бақытжан Сағынтаев бастамашы болды. Биыл "Алматы жастары" арқасында Отбасы банкі арқылы 900 пәтер мақұлданды. Жыл соңына дейін бұл көрсеткішті мыңға жеткізуді жоспарлап отырмыз, - деді Е. Әміров.

Бағдарлама үлкен сұранысқа ие, сондықтан оны іске асыру 2022 жылы да жалғасатын болады.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз