Алматыда зейнеткер жол апатынан қаза тапты

Volkswagen жүргізушісі Алматыда қарт әйелді қағып кетті, деп хабарлайды Zakon.kz.

Оқиға "Оптовка" дейтін базардың маңында, Райымбек даңғылында орын алды.

Куәгерлердің айтуынша, 1949 жылы туған әйел базар жақтан жолға шығып, 20-30 метр жердегі жаяу жүргіншілер өткеліне жете алмады. Әйел жолды рұқсат етілмеген жерден жүгіріп өтпек болғанда Volkswagen Polo көлігінің астына түсті.

Жүргізуші Райымбек даңғылымен шығысқа қарай келе жатқан. Зейнеткер соққыдан ұшып кетті, ол дәрігерлер келгенге дейін оқиға орнында көз жұмды.

Төрт күн бұрын қалада дәл осындай жол апаты болған. Ол кезде 83 жастағы ер адамды Daewoo Nexiа қағып кеткен. Ол да алған жарақатынан оқиға орнында қайтыс болды.

Бақытжан Отарбаева