Цифрлық даму министрі ХҚКО қызметкерлерінің еңбекақысын өсіруге тапсырма берді

Министр азаматтардан түрлі тақырыпта жүздеген жеке хабарлама келетінін айтты. Бұл ретте «Азаматтарға арналған үкімет» жұмысшыларынан жалақыға қатысты біраз өтініштер түскен.

ХҚКО қызметкерлеріне артылған жүктеме өте үлкен. Біздің фронт-офистер – мемлекеттің бейнесі, себебі ХҚКО қызметкері – мемлекеттік қызметтерді офлайн алудың жалғыз көзі.ҚР Цифрлық даму, инновациялар және аэроғарыш өнеркәсібі министрі Бағдат Мусин.

Министрдің айтуынша, ол өткен демалыста «Азаматтарға арналған үкімет» басшылығымен осы жайтты талқылаған.

Әділ Қожықовқа («Азаматтарға арналған үкімет» мемлекеттік корпорациясының төрағасы – ред.) барлық аймақтардан жұмысшыларды тарта отырып, жалақыны арттыру бойынша жоспар құруды және жалпы еңбекақы мен сыйақы жүйесін қайта қарауды тапсырдым. ҚР Цифрлық даму, инновациялар және аэроғарыш өнеркәсібі министрі Бағдат Мусин.

Ол "еңбекақының жаңа жүйесін облыстағы ұжымдармен біріге отырып жасау маңызды" екенін атап өтті.

5 жылдан бері жалақысы түк өзгермеген қызметкерлер категориясы да бар. Осы мәселені жылдам жөндеу қажет. Алдағы наурызда жұмысшылар мен олардың отбасылары оң өзгерістерді сезінуі тиіс.Бағдат Мусин.

Еске салсақ, жаппай тәртіпсіздік салдарынан жұмысын уақытша тоқтатқан ХҚКО-лар 12 қаңтардан бастап қайта ашыла бастады.

Оқи отырыңыз

Елімізде балаларға арналған 50 оқу-сауықтыру және 100 ірі ойын-сауық орталығы салынбақ

21:29, 27 наурыз 2023

Әлихан Смайылов жеңілдетілген несиелендіру бағдарламасының барысына тоқталды

13:15, 27 наурыз 2023

Енді трамадол есірткі деп есептеледі - үкімет

11:07, 27 наурыз 2023