Қазақстан БҰҰ-ның коммерциялық даулар туралы конвенциясын ратификациялады
Сурет: akorda.kz
Осылайша, Қазақстан халықаралық шарттарға қатысушы мемлекеттердің аумағында тану және орындау туралы келісімге қосылды.
Енді дауласушы тараптар бітімгершілік келісімді тану және оны орындау туралы өтінішпен басқа юрисдикциядағы сотқа жүгінуге мүмкіндігі бар.
Бұрын Қазақстанда мұндай механизм болмаған.
Құжатқа сәйкес, бітімгершілік келісімнің орындалуын қамтамасыз ету ұлттық заңнамаға сәйкес жүзеге асырылады. Медиация нәтижелері бойынша келісімдерді орындау тәртібі «Медиация туралы» Заңның және Азаматтық іс жүргізу кодексінің нормаларында көзделген.
Конвенция әртүрлі мүше елдердің екі немесе одан да көп компаниялары арасындағы халықаралық коммерциялық дауларға ғана қолданылады. Бұл ретте конвенцияның мәртебесі елдердің заңдары мен кодекстерінен жоғары.
Қазақстан 2019 жылғы 7 тамызда Сингапурде медиация нәтижесінде қол жеткізілген халықаралық реттеу туралы келісімдер туралы БҰҰ Конвенциясына қол қойды.
