Валентина Хальзова да бокстан Әлем біріншілігінің жартылай финалына өтті

Бокс, сурет - Zakon.kz жаңалық 16.05.2022 20:25

Сурет: kfb.kz

25 жастағы қазақстандық спортшы Валентина Хальзова бокстан Әлем біріншілігінің ширек финалында сәтті өнер көрсетті. Енді алда 2016 жылғы әлем чемпионы алты жыл бұрынғы жетістігін қайталауға тырысады, деп хабарлайды Zakon.kz.

Сол жеңісті қайталау үшін оған тағы екі жекпе-жекте сәтті өнер көрсету керек, ал әзірге австралиялық Кэй Скотты бағындыру мүмкін болды. 70 келіге дейінгі салмақтағы бұл жекпе-жек төрешілердің бірауыздан қабылдаған шешіміне сәйкес отандық спортшының басым жеңісімен аяқталды, есеп - 5:0.

Хальзова Қазақстан әйелдер құрамасы сапында 2022 жылғы бокстан Әлем біріншілігінің төртінші жартылай финалисі атанды. Бұған дейін осы кезеңге өткен Алуа Балқыбекова (48 кг), Жайна Шекербекова (52 кг) және Карина Ибрагимова (57 кг) кем дегенде қола медальдан үмітті.

16 мамырда Дина Жоламан (54 кг) мен Гүлсая Ержан (81 кг) ширек финалда өнер көрсетеді.

Оқи отырыңыз