Әлемнің үздік университеттері рейтингіне Қазақстаннан бір ғана университет енді

студенттер, университет Сурет: akorda.kz
2022 жылы дүние жүзінде 20 мыңға жуық университет баға алды. Нәтижесінде 2 мың үздік оқу орындарының тізімі жасалды, деп хабарлайды Zakon.kz.

Қазақстанның барлық жоғары оқу орынының ішінде тек Назарбаев Университеті ғана беделді CWUR рейтингіне енді (әлемдегі 19,8 мың университет арасында ТОП-2000-да 1765 орын).

Салыстыру үшін: ТМД елдерінің арасында рейтингке Ресейдің 42 университеті, Украинаның 6 университеті, Беларусьтің 2 университеті енді. Армения мен Әзірбайжанда Қазақстан сияқты рейтингте бір ғана университет бар. Түркиядағы түркі мемлекеттерінің ішінде 56 жоғары оқу орны бірден рейтингке енді.

Жалпы Азия елдері арасында Жапония ең жақсы көрсеткішке ие, Токио университеті 13-орында. ТМД елдері арасында – Ресей: Мәскеу мемлекеттік университеті 202-орында болды, деп хабарлады Finprom.kz.

Үш американдық университет (Гарвард университеті, Массачусетс технологиялық институты және Стэнфорд университеті) және екі британдық университет (Кэмбридж және Оксфорд университеттері) үздіктердің ТОП-5-іне енді.

Басқалардан айырмашылығы, CWUR рейтингі сауалнамалар мен университеттердің өздері ұсынған деректерге сүйенбейді. Рейтинг негізгі төрт бағыт бойынша объективті талдауға негізделген:

  • бітірушілердің оқу жетістіктерін ескере отырып, білім деңгейі;

  • ірі компанияларда басшы лауазымдарды атқаратын түлектерді ескере отырып, жұмысқа орналасу әлеуеті;

  • беделді академиялық наградаларға ие болған оқытушыларды есепке ала отырып, оқытушылар құрамының сапасы;

  • ғылыми еңбектерді, жетекші журналдардағы жарияланымдарды, академиялық ортаға әсері мен ғылыми мақалаларға сілтеме жасауды ескере отырып, зерттеу әлеуеті.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз