Аргентинада қар құрсауында қалғандар құтқарылды

Аргентинада қалың қар жауып, елді Чилимен байланыстыратын жолда боран соқты, деп хабарлайды Zakon.kz.

Соның салдарынан көліктер қар құрсауында қалып қойған. Құтқарушылар бірнеше адамды аман-есен діттеген жерлеріне жеткізді.

Ал Чилиде таулы аймақта қалып қойған жүзден астам турист қауіпсіз жерге көшірілген.

Айта кетсек, аймақта қар жауатыны туралы алдын-ала хабарланған.

Соған қарамастан жол не себепті жабылмағанына қатысты тергеу жүргізіп жатыр.