Қостанай облысында жоғалған бес жасар қызды тікұшақпен іздеп жатыр

Сурет: zakon.kz

Қостанай облысында жоғалып кеткен бес жасар қыз екінші күн қатарынан іздестіріліп жатыр. Оны іздеуге тікұшақ шақырылды. Бұл туралы облыстық полиция департаментінің басшысы Ерлан Омарбеков мәлімдеді, деп хабарлайды Zakon.kz.

Жамбыл ауылынан 5 жасар қыздың жоғалғаны туралы хабарлама түскен сәттен бастап, іздеу іс-шараларын ұйымдастыруды жеке өзім басқардым. Қазіргі уақытта оны іздеу тікұшақтың көмегімен жүргізілуде, – деп жазды Facebook-тегі парақшасында Қостанай облысы полиция департаментінің бастығы Ерлан Омарбеков.

Сурет: Facebook/Ерлан Омарбеков

Облыстық полиция департаменті басшысының айтуынша, тікұшақпен аумақты қарауға қыздың анасы да шыққан.

Еске салсақ, Қостанай облысының Жамбыл ауылында 7 тамызда таңертең бес жасар қыз жоғалып кетті. Баланы 18 бен 13 жастағы үлкен әпкелері қарап қалған. Олар таңертең оянғанда, баланың жоқ екенін байқаған. Полицияға бұл жайтты анасы хабарлады.

Оқи отырыңыз