Қазақстанға ҚХР Төрағасының орынбасары мен Беларусь президенті келіп жетті

Ресми сапар, сурет - Zakon.kz жаңалық 12.10.2022 20:37

Сурет: Telegram/UKIMET

ҚР Премьер-министрі Әлихан Смайылов елорда әуежайында Азиядағы өзара іс-қимыл және сенім шаралары жөніндегі кеңестің VI саммитіне қатысу үшін Астана қаласына келген ҚХР Төрағасының орынбасары Ван Цишаньді және Беларусь Президенті Александр Лукашенконы қарсы алды, деп хабарлайды Zakon.kz.

Астанада Александр Лукашенко мен Ван Цишань Азиядағы өзара іс-қимыл және сенім шаралары жөніндегі VI саммитке АӨСШК бақылаушы мемлекет басшысы ретінде және ТМД мемлекеттері басшылары кеңесінің отырысына қатысады.

Мемлекеттік сапар, сурет - Zakon.kz жаңалық 12.10.2022 20:37

Сурет: Telegram/UKIMET

Айта кетсек, 12-13 қазанда Астанада Қазақстанның төрағалығымен АӨСШК құру туралы бастаманың 30 жылдығына орайластырылған Азиядағы өзара іс-қимыл және сенім шаралары жөніндегі кеңестің VI саммиті өтеді.

Ауқымды саяси іс-шараға мүше мемлекеттердің, бақылаушы мемлекеттердің, бақылаушы ұйымдардың және серіктес ұйымдардың бірінші басшылары шақырылған. Барлығы 50-ге жуық делегация келеді деп күтілуде.

Оқи отырыңыз