Жасыл сутегі Маңғыстау облысында өндірілмек
Сурет: Маңғыстау облысының әкімдігі
Өткен аптада Еуропалық Кеңес төрағасы Шарль Мишельдің ресми сапары барысында Қазақстан мен неміс-швед компаниясы тиісті инвестициялық келісімге қол қойды.
Инвестор Маңғыстау облысында жасыл сутегі өндірісін ұйымдастыруды жоспарлап отыр.
Сондай-ақ қуаттылығы тәулігіне 255 мың текше метр тұщыландыру қондырғысы, 40 гигаватт жаңартылатын энергия стансасын салу жоспарлануда.
Бұл жобаны жүзеге асыру құрылыс кезеңінде шамамен 3500 жұмыс орнын және нысанды кезең-кезеңімен пайдалануға беру кезінде 1800 жаңа тұрақты жұмыс орнын құруға мүмкіндік береді. Отандық кадрлар дайындалып, оқытылады, инфрақұрылым салынады, инвестор өзінің әлеуметтік міндеттемелерін орындайды. Қасым-Жомарт Тоқаев
Өңірдің дамуына күрделі әлеуметтік-экономикалық әсері бар мұндай жобалар барынша көп болуы керек. Қазір әлемде инвестиция үшін бәсекелестік айтарлықтай артты, деп қосты Мемлекет басшысы.
Еліміз инвестициялық ахуалды жақсарту жолында бар күшін пайдаланып, жүйелі жұмыс істеуі керек. Тағы да қайталап айтамын: Үкімет әкімдермен бірге осы мәселеге басымдық беруі керек. Қасым-Жомарт Тоқаев
Бұған «Ақтау теңіз порты» арнайы экономикалық аймағының қызметі мүмкіндіктер ашады. Бүгінгі таңда АЭА инвестиция көлемі, өндірілген өнім көлемі және төленген салықтар бойынша республикадағы алғашқы үштікке кіреді, деді президент.
Бұған дейін арнайы экономикалық аймақтардағы игерілмей жатқан жер телімдерін инфрақұрылымдық нысандармен қамтамасыз ету, оларға барлық қажетті коммуникацияларды тарту міндетін қойдым. Бұл бағыттағы жұмысты күшейту қажет. Үкімет арнайы экономикалық аймақтардың қызмет ету мерзімін ұзарту керек деп ойлаймын. Қасым-Жомарт Тоқаев
Маңғыстау облысында ірі өндіріс орындары тоқтап тұр, деп атап өтті Қазақстан Президенті.
Тоқаев Ақтау және Құрық порттары есебінен мұнай транзитін жылына 20 миллион тоннаға жеткізуді тапсырды.
Оқи отырыңыз
