9 желтоқсанда Астана мектептерінде "сабақ болмайды" деген ақпарат тарады

zakon.kz, сурет - Zakon.kz жаңалық 09.12.2022 00:09

Фото: zakon.kz

Астанада 9 желтоқсанда ауа райына байланысты бірінші ауысымда оқитын мектеп оқушылары мен 1-2 курс студенттері онлайн оқиды деген жалған ақпарат тарады, деп хабарлайды Zakon.kz.

"Астана қаласының білім басқармасы хабарлайды: ауа райының қолайсыздығына байланысты қала мектептерінің бірінші ауысымындағы 0-11 (12) сынып оқушылары және колледжердің 1-2 курс студенттері үшін сабақ қашықтан оқыту форматына ауыстырылады", - делінген жалған хабарламада.

Ал Астананың білім басқармасы бұл хабарламаның жоққа шығарды.

"Бұл жалған ақпарат. Сабақтың қашықтан оқыту форматына ауыстырылатынын таңғы 6-да хабарлаймыз. Жалған ақпаратқа сенбеулеріңізді сұраймыз", - деп жазды ведомствоның баспасөз қызметі.

Айта кетейік, Астанада 5, 6 және 7 желтоқсанда екі ауысымдағы оқушылар да қашықтан оқыды. Ал 8 желтоқсанда онлайн сабақ тек бірінші ауысымның 0-9 сынып оқушыларына болды.

Оқи отырыңыз