Астанада бірінші ауысымдағы оқушылар түгелдей қашықтықтан оқыту форматына көшірілді

6 желтоқсанда Астанада бірінші ауысымдағы барлық оқушылар мен колледждердің 1-2 курс студенттері үшін оффлайнда сабақ тоқтатылды, деп хабарлайды Zakon.kz.

Бұл туралы Астана қалалық білім басқармасының баспасөз қызметі хабарлады.

"Ауа райының нашарлауына байланысты 2022 жылы 6 желтоқсанда бірінші ауысымдағы 0-11 (12) сынып оқушылары мен колледждердің 1-2 курс студенттері қашықтықтан оқыту форматына көшеді", делінген хабарламада.

Аязға байланысты 5 желтоқсанда Астана, Қарағанды және Теміртау қалаларында бірінші ауысым оқушылары қашықтықтан оқу форматына көшірілді.