Қазақстандықтар Түркияда зардап шеккендерге 2,8 миллион доллардан астам ақша жинады
Сурет: ҚР ТЖМ
Қазақстандықтар Түркиядағы жойқын жер сілкінісінен зардап шеккендерге үш миллион долларға жуық қаржы жинады. Бұл туралы Zakon.kz сайтына Түркия Республикасының елшілігінен хабарлады.
Елшілік көрсетілген көмек үшін алғысын білдірді.
"Қазақстанда кейінгі 3 күнде жер сілкінісінен зардап шеккендерге көмек көрсету үшін жиналған бір миллион доллардан астам қаражат AFAD-тың ресми шотына аударылды. Осылайша қайырымдылықтан жиналған жалпы сома 2,8 миллион доллар болды", - деп хабарлады елшілік мәлімдемесінде.
Сонымен қатар Қазақстан Түркияға 28 генератор жіберді.
Бір ғана Астанадан 8 тонна гуманитарлық көмек жеткізілді, деп жазды басылым.
Қазір Түркия 6 ақпандағы жер сілкінісінен зардап шеккендерге қолдау көрсету үшін көптеген елдерден гуманитарлық көмек алып жатыр.
Жаңалықтан zakon.kz сайтында хабардар болыңыз:
Бөлісу
0
Толық оқу
