Қазақстан мен Қырғызстан Түркияға 84 киіз үй жеткізіп, орнатып берді

Әлеуметтік желі, сурет - Zakon.kz жаңалық 16.02.2023 19:16

Сурет: Twitter/@ilmfeed

Қазақстан мен Қырғызстан Түркияға зілзаладан зардап шеккендерге көмек ретінде 84 киіз үй жіберді, деп хабарлайды Zakon.kz.

Аталған гуманитарлық жүк ilmfeed-тің хабарлауынша,Кахраманмараш провинциясына жеткізілген. Киіз үйлер футбол алаңына орнатылып, баспанасыз қалғандарға уақытша тұрақ болмақ.

Сурет: Twitter/@ilmfeed

6 ақпанда Түркияда 7,7 балдық жойқын жер сілкінісі болды.

8 ақпанда Тоқаев Үкіметке Түркияға шұғыл көмек ретінде 1 млн доллар бөлуді тапсырды.

14 ақпанда Қазақстан Президенті Қасым-Жомарт Тоқаев Түркияға қосымша гуманитарлық көмек жолдауды тапсырды.

15 ақпанда киім-кешек (қыстық киім мен шалбар), шатырлар, темір кереуеттер, төсек-орын жабдықтары және жалпы салмағы шамамен 55 тонна болатын басқа да қажетті заттар жіберілетіні белгілі болды.

Оқи отырыңыз