Түркістан облысында есірткі тасымалдаған Тәжікстан азаматы 15 жылға сотталды

есірткі, сурет - Zakon.kz жаңалық 22.02.2023 22:54

Сурет: видео скрині

Түркістан облысында ірі көлемде есірткі тасымалдаған Тәжікстан азаматы сотталды. 31 келі героинді Ресейге жеткізбекші болған шетелдік енді 15 жыл түрмеде отырады, деп хабарлайды Zakon.kz КТК телеарнасына сілтеме жасап.

Ірі көлемдегі есірткі былтыр Жібек жолы шекара бекетінде тәркіленген. Тәжікстаннан келе жатқан көлікті тексергенде шекарашылардың иті есірткінің иісін сезген.

Күдікті 31 келіден астам героинді көлігінің жанармай багіне жасырыпты. Бүлініп қалмас үшін 63 дана ораманы полиэтилен пакетпен мұқият ораған. Бұл - кейінгі 20 жылда тәркіленген ең ірі көлемдегі есірткі.

Прокурор күдіктіге 18 жыл жаза сұраған. Алайда судья 27 жастағы Тәжікстан азаматын 15 жылға бас бостандығынан айырды.

Оқи отырыңыз