28 ақпанда елдің 11 өңірінде дауылды ескерту жарияланды

қыс, сурет - Zakon.kz жаңалық 28.02.2023 01:56

Сурет: pixabay

"Қазгидромет" сипоптиктері ертең, 28 ақпанда республиканың 11 өңірінде қолайсыз ауа райына байланысты дауылды ескерту жариялады,

Қызылорда облысында тұман болады.

Ақтөбе облысында көктайғақ болады. Оңтүстік-батыстан жел соғады, күндіз облыстың солтүстігінде екпіні 15 м/с-ке жетеді.

Атырау облысында да көктайғақ, тұман болатыны болжанып отыр.

Ақмола облысында жаяу бұрқасын, көктайғақ. Екпіні секундына 28 метрге дейін жететін жел соғады.

Астанадағы желдің екпіні 20 м/с-қа дейін жетеді.

Батыс Қазақстан облысында тұман, көктайғақ болады. Желдің екпіні - 15-20 м/с.

Маңғыстау облысында тұман түседі.

Қостанай облысында күн жауын-шашынды (көбінесе қар) болады. Бұрқасын, тұман, көктайғақ болжанып отыр. Ал желдің күші 20, екпіні 28 м/c-қа жетеді.

Павлодар облысында жауын-шашын (жаңбыр, қар), жаяу бұрқасын, көктайғақ болып, екпінді жел соғады.

Солтүстік Қазақстан облысында түнде қар, күндіз жауын-шашын (көбінесе қар) болжанып отыр. Бұған қоса, бұрқасын, көктайғақ пен күшті, екпінді жел соғады.

Түркістан облысының тау асуларында, 01 наурызда күндіз солтүстігінде, таулы аудандарында оңтүстік-шығыстан, оңтүстіктен жел соғады, күші 15-20 м/с-ке жетеді.

Оқи отырыңыз