Жаңалықтар тізбегі
0

«Меркі – Шу – Бурылбайтал» тас жолының ұзындығы 257 км болатын бөлігінде қозғалыс ашылды

Меркі – Шу тас жолы, Жамбыл облысы, көпір, тас жол Сурет: Жамбыл облысы әкімдігінің баспасөз қызметі
Мемлекет басшысы Қасым-Жомарт Тоқаевтың тапсырмасына сәйкес Жамбыл облысы аумағында құрылысы жүріп жатқан республикалық маңызы бар «Меркі-Бурылбайтал» автомобиль жолының бір бағыты бойынша ұзындығы 257 шақырымды құрайтын бөлігінде қозғалыс ашылды, деп хабарлайды Zakon.kz

Облыс әкімі Бердібек Сапарбаев Шу ауданына жұмыс сапары барысында ҚР Индустрия және инфрақұрылымдық даму министрлігі Автомобиль жолдары комитетінің төрағасы Төлеген Тұрсынұлы Абдуллинмен бірге аталған жол аумағында болып, атқарылған жұмыстармен танысты.

«Меркі-Шу-Бурылбайтал» тас жолы, Жамбыл облысы, Шу

Сурет: Жамбыл облысы әкімдігінің баспасөз қызметі

Мұнда негізінен жол төсемі және 7 көпір мен жол өткелдерінің, оның ішінде Шу өзені арқылы өтетін ұзындығы 204 метр болатын ең үлкен көпірдің құрылысы аяқталып, мерзімінен бұрын жаңа бағытта қозғалыс ашылып отыр. Жоба құны – 15 млрд теңге.

Шу, Жамбыл облысы

Сурет: Жамбыл облысы әкімдігінің баспасөз қызметі

Бұл учаскенің ашылуы автокөлік қозғалысы үшін қолайлы жағдайды қамтамасыз ете отырып, елді мекендер арасындағы жол уақытын едәуір қысқартуға, Шу қаласының көше-жол желісіндегі жүктемені азайтуға мүмкіндік бермек.

Шу, Жамбыл облысы

Сурет: Жамбыл облысы әкімдігінің баспасөз қызметі

«ҚазАвтоЖол» ҰК» АҚ Жамбыл облысы бойынша филиалы директоры Айжан Туғанованың айтуынша, ұзындығы 62 шақырымды құрайтын «Шу – Хантау» учаскесі жоспардан 6 ай бұрын толығымен аяқталып, пайдалануға берілген.

«Меркі-Шу» 7-90 шақырым және «Хантау – Бурылбайтал» 189-273 шақырым учаскелері бойынша бір бағытта қозғалыс қамтамасыз етілді, 4 көпір бойынша жұмыстар жүргізілуде. Жұмыстарды толық аяқтау 2022 жылдың қараша айына жоспарланған.«ҚазАвтоЖол» ҰК» АҚ Жамбыл облысы бойынша филиалы директоры Айжан Туғанова

Жалпы жобамен 6 көпір, темір жол арқылы өтетін 3 жол өтпесі, жарықтандырылатын 11 көлік айрығы, 9 жайластырылған демалыс алаңы және барлық елді мекендерде 34 автопавильон салу көзделген.

Жол жұмыстарына 800-ден астам жергілікті тұрғын мен 400-ден астам техника жұмылдырылған.А.Туғанова

Үкімет басшысының қолдауымен келер жылы «Шу – Благовещенка» автомобиль жолының күрделі жөндеу жұмыстарын бастау үшін қаражат бөліну мәселесі шешімін тапты.

Шу, Жамбыл облысы

Сурет: Жамбыл облысы әкімдігінің баспасөз қызметі

Аймақ басшысы Бердібек Сапарбаев бұл жобалардың маңыздылығын баса айтып, еліміздің солтүстігі мен оңтүстігінің аралығындағы, сонымен қатар көрші Қырғыз Республикасымен транзиттік әлеуетінің өсуін қамтасыз ететіндігін жеткізді.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: