Жамбыл облысында «Қымызмұрындық-2022» шарасы өтті
![Ұлттық дәстүр, сурет - Zakon.kz жаңалық 23.06.2022 12:49](https://kaz.zakon.kz/pbi/WEBP/2023-12-20/file-b41800a1-ef6a-449e-bcbd-aa4b939a1e62/800x451.webp)
Ұлттық дәстүрімізді жаңғыртқан шара барысында келушілерді әжелер қазақы қонақжайлық пейілмен шашу шашып қарсы алып, ыстық бауырсақ пен қымыздан дәм татқызды. Барлық қонақтарға осындай ілтипат көрсетілді.
![Арнайы шара, сурет - Zakon.kz жаңалық 23.06.2022 12:49](https://kaz.zakon.kz/pbi/WEBP/2023-12-20/file-fc6a89a6-a7c9-4986-83a8-2be993d71a60/800x451.webp)
Сурет: Жамбыл облыстық әкімдігінің баспасөз қызметі
Этно-фестивальге облысымыздың аудандары мен Тараз қаласынан 100-ге жуық ардагер шақыртылған. Олар «Ауыз тию», «Биебайлар» рәсімдеріне қатысып, түрлі салт-дәстүрлер мен спорттық жарыстарды, қолөнер көрмелерін тамашалады.
![Қымызмұрындық, сурет - Zakon.kz жаңалық 23.06.2022 12:49](https://kaz.zakon.kz/pbi/WEBP/2023-12-20/file-2a059f52-98e4-4beb-844b-619c4d1afb54/800x451.webp)
Сурет: Жамбыл облыстық әкімдігінің баспасөз қызметі
Қариялар ақ батасын беріп, елдің тыныштығын, мал-жанның амандығын тіледі.
Жиналғандардың назарына концерттік бағдарлама ұсынылып, көпшілікке мерекелік көңіл-күй тарту етілді. Арнау айтылып, би биленіп, дәстүрлі ән-жыр шырқалды.
Ел анасы, халықаралық «Qazaqstan dauiri» газетінің Бас редакторы, қоғам қайраткері Сәуле Мешітбайқызы өз сөзінде шараның маңыздылығына тоқталып, қазақтың ұлттық сусыны – қымыздың қадір-қасиеті жайлы тағылымды ойларымен бөлісті.
![Қымызмұрындық шарасы, сурет - Zakon.kz жаңалық 23.06.2022 12:49](https://kaz.zakon.kz/pbi/WEBP/2023-12-20/file-0295a4b5-b307-4a47-935f-877b752217ca/800x451.webp)
Сурет: Жамбыл облыстық әкімдігінің баспасөз қызметі
Жиналғандар құндылықтарды құрметтеп, дәстүрді дәріптеген ел азбайтындығын атап өтіп, қымызды – ұлттық брендке айналдыру, кең көлемде насихаттау, ол үшін елімізде «қымызмұрындықты» тойлауды жалпыхалықтық сипатқа айналдыру секілді ұтымды ұсыныс-пікірлерін ортаға салды.
![Ұлттық дәстүр, сурет - Zakon.kz жаңалық 23.06.2022 12:49](https://kaz.zakon.kz/pbi/WEBP/2023-12-20/file-60a6d50b-7ff0-48ff-a80e-bd769b4f6ee0/800x451.webp)
Сурет: Жамбыл облыстық әкімдігінің баспасөз қызметі