Алматыда заңсыз салынған кезекті тұрғын үй кешені сүріледі
Сурет: Алматы әкімдігі
Сот Наурызбай ауданындағы «Qadam» тұрғын үй кешенін сүруге шешім шығарды, деп хабарлайды Zakon.kz.
Сот Наурызбай ауданындағы «Qadam» тұрғын үй кешенін сүруге шешім шығарды.
Бұған дейін Алматы қаласының қала құрылысын бақылау басқармасы нысанды тексеріп, сәулет, қала құрылысы және құрылыс қызметі саласында бірқатар заң бұзушылықты анықтады.
4 қабатты көппәтерлі тұрғын үйдің құрылысы рұқсат құжаттарынсыз басталған. Тексеру нәтижелері бойынша «Qadam ТК» ЖШС-не қатысты әкімшілік хаттамалар толтырылып, кейіннен заңсыз салынып жатқан нысанды бұзу туралы талап арыз жазылды. Нәтижесінде сот шешімімен заңсыз салынған нысанды бұзу туралы талап қанағаттандырылды, – делінген Алматы әкімдігінің хабарламасында.
Шешім әлі заңды күшіне енген жоқ.
Жылжымайтын мүлікті сатып алудан бұрын тұрғындар салынып жатқан үй туралы ақпаратты тексеріп, мына жедел желі арқылы құжаттар пакетінің түгел екенін анықтай алады: +7 (727) 229-81-36.
Сонымен қатар 27 шілдеде Наурызбай ауданындағы «Жайсаң» тұрғын үй кешені де сүрілетіні белгілі болды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
