Алматыда 215-ші автобустың жүріс бағыты ұзартылады

Алматыда қала тұрғындарының өтініші бойынша 3 қыркүйектен бастап №215-ші жолаушылар автобусының жүріс бағыты ұзартылады, деп хабарлайды Zakon.kz.

Қалалық мобилділік басқармасы желіде 3 қыркүйектен бастап Айша-Бибі ықшам ауданы тұрғындарының өтініші бойынша № 215 маршрут ұзартылатынын хабарлады.

Енді ол Хмельницкий көшесімен өтіп, 23-көше - Көрімдік көшесі - Жаяу Мұса көшесі - Рысқұлов даңғылы - Айша бибі көшесімен жүріп өтіп, кері айналады.

Кері бағытта Рысқұлов көшесіне оралып (базардан кейін бұрылады) - Жаяу Мұса көшесі - Көрімдік көшесі - 23-көше, одан әрі схема бойынша қозғалады.