Алматы облысының әкімдігі газ құбырының зақымдануына қатысты пікір білдірді
![Төтенше жағдай, сурет - Zakon.kz жаңалық 30.11.2022 22:34](https://kaz.zakon.kz/pbi/WEBP/2023-12-20/file-0f9f8a4f-a355-4ee1-a96c-5dfd3e01e9da/800x451.webp)
Алматы облысының әкімдігі құбыр жарылып, Талғар ауданының бірнеше ауылының газсыз қалуына байланысты түсініктеме берді, деп хабарлайды Zakon.kz.
Сағат 18:45 шамасында Панфилов ауылында магистральдық газ құбырына ағаштың құлауы салдарынан Гүлдала, Тұздыбастау ауылдарында орналасқан 5 мыңға жуық тұрғын үй газсыз қалды.
"Аталған газ желілері қызмет көрсетуші "Тәуекел Газ" ЖШС-ға тиесілі. Қазіргі уақытта осы компанияның қызметкерлері қалпына келтіру жұмыстарына кірісті. Оны сағат 00:00-ге дейін аяқтау жоспарланып отыр. Осыдан кейін газ беру қайта қалпына келтіріледі", - деді Алматы облысы әкімінің орынбасары Нұржан Құдайбергенов.
Әкімдік жұмыс барысы өңір басшылығының бақылауында екенін атап өтті.
Айта кетсек, елордада 28 қарашада сағат 18:40-та "Газовик" ЖШС құрылыс техникасы жер қазу жұмыстарын жүргізу кезінде орташа қысымды газ құбыры зақымдап, салдарынан "Көктал-1" ауданы газдан ажыратылды.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript