Алматы әкімдігі жолдың қақ ортасындағы ойықтың қайдан пайда болғанын түсіндірді
Сурет: Алматы қалалық әкімдігінің баспасөз қызметі
Бүгін, 27 ақпанда қаланың Түрксіб ауданындағы Толмачев көшесінде оқыс оқиға орын алды. Асфальтта пайда болған ойыққа жүк көлігі түсіп кетіп, шыға алмай қалған.
Мамандар бұған қардың еріген суы және жауын-шашыннан кейін жиналған судың жер асты топырағын шаюы себеп екен айтады. Соның салдарынан асфальт төсеме төмен опырылып түскен.
Алматы қаласының әкімдігінде аталған учаскеде 2021 жылы "Альвис" ЖШС компаниясы су құбыры және кәріз желілерін төсеу жұмыстарын жүргізгенін еске салды. Кепілдік міндеттемелері шеңберінде компания бұзушылықтарды, жолдағы ойық пен басқа да ақауларды жоюға міндетті.
Басқарманың ақпараты бойынша, болған оқиғадан кейін бір күн ішінде "Альвис" ЖШС компаниясы оқиға орын алған жердегі ойықты қажетті материалмен толықтырып, тегістеген. Алдағы сәуір айында қолайлы ауа райын пайдалана отырып, асфальт төсемені толығымен қалпына келтіру жоспарланған.
26 ақпанда қолайсыз ауа райына байланысты Шымбұлақ-Эдельвейс тас жолы жабылды.
