ЕО Путинге, Лавровқа, Медведев пен Мишустинге де санкция салды

Мемлекеттік Думаның депутаттары мен басқа да шенеуніктер, соның ішінде Беларусьтың да бірқатар шенділері шектеулерге ұшырады. Еуропалық одақтан кейін АҚШ Путин мен Лавровтың аты-жөнін санкциялар тізіміне енгізді, деп хабарлайды Zakon.kz.

ЕО Украинадағы әскери операцияға байланысты Ресей президенті Владимир Путин мен РФ сыртқы істер министрі Сергей Лавровтың аты-жөнін санкция тізіміне енгізді. Олардың аты-жөні ЕО-ның ресми журналында көрсетілген.

Санкцияның енгізілу себептері сипаттамасында "Путин жасаған іс-әрекеттері үшін жауап береді және Украинаның аумақтық тұтастығына, егемендігі мен тәуелсіздігіне, сондай-ақ Украинадағы тұрақтылық пен қауіпсіздікке нұқсан келтіруді белсенді қолдайды"делінген.

Премьер-министр Михаил Мишустин, Қауіпсіздік Кеңесі төрағасының орынбасары Дмитрий Медведев, сондай-ақ Мемлекеттік Думаның депутаттары және Беларусь елінің кейбір шенеуніктері де шектеулерге ұшырады.

Еуропалық одақтан кейін АҚШ Путин мен Лавровтың аты -жөнін санкциялар тізіміне енгізді. Шектеу шаралары Қорғаныс министрі Сергей Шойгу мен Бас штаб бастығы Валерий Герасимовты да шарпыды.

Сонымен қатар, Канада мен Ұлыбритания Путинге қарсы санкциялар жариялады.