БҰҰ Бас хатшысы Ресей мен Украинада жұмыс сапарымен болады

Киевтің алдында Антониу Гутерриш Мәскеуге соғады, онда ол РФ сыртқы істер министрі Сергей Лавровпен және президент Владимир Путинмен кездеседі, деп хабарлайды Zakon.kz.

БҰҰ Бас хатшысы Антониу Гутерриш 28 сәуірде Украинаға ресми сапармен барады, деп хабарлайды ТАСС.

Ол сыртқы істер министрі Дмитрий Кулебамен жұмыс кездесуін өткізеді, одан кейін 28 сәуірде оны Владимир Зеленский қабылдайды.

Сондай-ақ Антониу Гутерриш Украинада жұмыс істейтін дүниежүзілік ұйымның қызметкерлерімен кездесіп, гуманитарлық көмекті кеңейту мәселесін талқылайды.

26 сәуірде Гутерриш Мәскеуде болып, онда ол РФ сыртқы істер министрі Сергей Лавровпен кездеседі, одан кейін оны Владимир Путин қабылдайды.