«Сологамия» құбылысы. Үндістанда бір бойжеткен өз-өзіне тұрмысқа шыққалы жатыр

БАҚ, сурет - Zakon.kz жаңалық 04.06.2022 15:15

Сурет: pixabay

Қазіргі уақытта қалыңдық рәсімді қалай өткізу керектігін жоспарлап жатыр. Ол барлық неке рәсімдерін сақтап, бал айына барғысы да келеді, деп хабарлайды Zakon.kz.

Үндістанның Вадодар қаласының 24 жастағы тұрғыны өз-өзіне үйленуді ұйғарып, индуизмде қабылданған саатфер дәстүрін сақтауға ниет білдірді. Оған сәйкес қалыңдық күйеу баламен бірге қасиетті отты жеті рет айналып өтіп, белгілі бір ант береді. Болашақ қалыңдық бес ант жазып үлгерді, деп хабарлайды NDTV.

Өз тойына дайындыққа қатысты түсініктеме берген бойжеткен осылайша басқаларға өз-өзін жақсы көретінін дәлелдегісі келетінін атап өтті. Сондай-ақ ол ешқашан тұрмысқа шығуды армандамағанын мойындады, бірақ қалыңдық көйлегін киген өзін сырттай көргісі келетінін де айтты.

Бұл іс-әрекетке бойжеткенді интернетте көзі түскен сологамия сияқты құбылыс туралы ақпарат итермелеген көрінеді.

Қалыңдық алдағы рәсімді өз-өзін қабылдау актісі деп атайды.

Қыздың ата-анасы оның идеясын қолдады.

Оқи отырыңыз