Жапонияның қорғаныс министрі Қытайды ұстамдылыққа шақырды
Сурет: Facebook/Japan Maritime Self-Defense Force
Kyodo News ақпарат агенттігінің хабарлауынша, Нобуо Киси әріптесін Шығыс және Оңтүстік Қытай теңіздерінде, соның ішінде Сенкаку аралдарының жанындағы суларда "ұстамдылыққа" шақырды. Оның айтуынша, Жапония "Бейжіңнің кво-мәртебесін өзгертуге бағытталған біржақты әрекеттерінің тыйылмауына" алаңдаулы.
Министрдің айтуынша, Тайвань бұғазындағы бейбітшілік пен тұрақтылық халықаралық қауымдастық үшін өте маңызды.
Сондай-ақ, Киси Жапония шекарасына жақын маңда Қытай мен Ресей атқыш ұшақтарының бірлескен ұшуларына да алаңдаушылық білдірді.
Ақпарат агенттігі Бейжің Тайваньға әскери қысымды жалғастырып, аймақтық шиеленісті күшейтуде деп жазады. Өз кезегінде Байден қажет болған жағдайда АҚШ Тайваньды қорғауға дайын екенін мәлімдеді.
Бұған дейін АҚШ Қорғаныс министрі Ллойд Остин Қытайдың әрекеті "Үнді-Тынық мұхиты аймағындағы қауіпсіздікке, тұрақтылыққа және өркендеуге қауіп төндіреді" деп мәлімдеген еді. Ол АҚШ-тың бір Қытай саясатын қолдайтынын және Тайвань бұғазындағы кво-мәртебесін қамтамасыз етуге ниетті екенін атап өтті.
Біз жанжалдасып, мәселені ушықтыруға ұмтылмаймыз. Біз жаңа қырғи-қабақ соғысты, Азиядағы НАТО-ны немесе жауласу блоктарына бөлінуді қаламаймыз. АҚШ Қорғаныс министрі Ллойд Остин
