Үйіне тарақан кіргізуге рұқсат еткен америкалыққа 2000 доллар беріледі

Солтүстік Каролинада орналасқан The Pest Informer америкалықтарды тарақанмен күресуге көмектесуге шақырды, деп хабарлайды Zakon.kz.

Компания үйіне100 тарақан кіргізуге рұқсат ететіндерге 2000 доллардан ақша берілетінін хабарлады.

Зерттеуге жеті үй қатысуы тиіс, деп жазды Foxnews. Олар үйінде түсірілім жасауға рұқсат беріп, тарақанға қарсы арнайы құралды сынап көруі керек.

Эксперимент 30 күнге созылады. Компания тарақанға қарсы жаңа препарат адамдар мен үй жануарларына мүлдем қауіпсіз екенін мәлімдеді.

Егер зерттеудің соңында тарақандар жойылмағаны анықталса, компания дәстүрлі, дәлелденген жолдармен тарақанды тазартуға уәде берді.