Ұлыбританияда патшайыммен қоштасу рәсімі аяқталды

Ұлыбританияда бүгін, 19 қыркүйекте патшайым II Елизаветамен қоштасу рәсімі өтті. Еске алу кешіне патшайым ұзақ билік құрған тұста кездескен әлем көшбасшылары қатысты, деп хабарлайды Zakon.kz.

Ұлыбритания премьер-министрі Лиз Трасс патшайыммен қоштасты. Салтанатты шарада Лиз Трасспен бірге Борис Джонсон, Дэвид Кэмерон, Гордон Браун және Джон Мейжор да болды.

Сурет: видеодан скриншот

Президент Джо Байден әйелі Джилл Байденмен бірге Вестминстер аббаттығына келді.

Сурет: видеодан скриншот

Қоштасу рәсіміне Франция президенті Эммануэль Макрон мен оның жұбайы Брижит Макрон, Бельгия королі Филипп пен оның жұбайы патшайым Матильда, Канада премьер-министрі Джастин Пьер Джеймс Трюдо мен оның жұбайы Софи Трюдо да қатысты.

Сурет: видеодан скриншот

8 қыркүйекте патшайым II Елизавета қайтыс болды.

Мемлекет басшысы Қасым-Жомарт Тоқаев Ұлыбритания және Солтүстік Ирландия Королі Чарльз III-ке анасы Елизаветаның қайтыс болуына байланысты көңіл айту жеделхатын жолдады.