Ресей, Украина және Беларусьтегі құқық қорғаушыларға Нобель сыйлығы берілді

Нобель сыйлығын ресейлік, украиналық және беларусьтік құқық қорғаушылар алды, деп хабарлайды Zakon.kz Twitter-дегі жазбаға сілтеме жасап.

7 қазанда жарияланған баяндамаға сәйкес, Норвегияның Нобель комитеті 2022 жылғы Бейбітшілік саласындағы Нобель сыйлығын беларусьтік құқық қорғаушы Алес Бялятскийге, ресейлік "Мемориал" құқық қорғау ұйымы мен украиналық "Азаматтық бостандықтар орталығы" құқық қорғау ұйымына беру туралы шешім қабылдады.

3 қазанда швед биологы Сванте Паабо физиология немесе медицина бойынша 2022 жылғы Нобель сыйлығының лауреаты атанды. Ол бұл сыйлықты жойылған гоминдердің геномдары мен адам эволюциясы саласындағы жаңалықтары үшін алды.